அமெரிக்காவிலிருந்து ஒன்றாக ஹைதராபாத் வந்திறங்கிய விஜய் தேவரகொண்டா-ராஷ்மிகா

தெலுங்கு திரை உலகில் கடந்த ஆறு வருடங்களுக்கு மேலாக அதிக அளவில் காதல் கிசுகிசுக்களில் சிக்கி, ஆனால் அதைப்பற்றி கொஞ்சமும் அலட்டிக் கொள்ளாமல் எந்த மறுப்பும் சொல்லாமல் ஜாலியாக வலம்வரும் ஜோடி தான் விஜய் தேவர கொண்டாவும் ராஷ்மிகா மந்தனாவும். கிட்டத்தட்ட இவர்கள் காதலிப்பது பல்வேறு நிகழ்வுகள் மூலம் ஊர்ஜிதப்படுத்தப்பட்டது என்றே சொல்லலாம். இந்த நிலையில் தான் சமீபத்தில் நியூயார்க்கில் நடைபெற்ற 43வது இந்தியா டே நிகழ்ச்சியில் ‛கிராண்ட் மார்ஷல்ஸ்' என்கிற சிறப்பு விருந்தினர்களாக இவர்கள் இருவரும் கலந்து கொண்டனர்.

இதனை தொடர்ந்து அமெரிக்காவிலேயே பல்வேறு நிகழ்ச்சிகளிலும் இவர்கள் ஒன்றாக பங்கேற்றனர். இந்த நிலையில் சமீபத்தில் இவர்கள் இருவரும் ஒன்றாகவே ஹைதராபாத் திரும்பியுள்ளனர். ஹைதராபாத் விமான நிலையத்தில் இவர்கள் இருவரும் தங்களது முகத்திற்கு மாஸ்க் அணிந்தபடி அதேசமயம் ரசிகர்களின் தொந்தரவு எதுவும் இல்லாமல் ஹாயாக பேசிக்கொண்டே நடந்து செல்வது போன்று ஒரு வீடியோ தற்போது சோசியல் மீடியாவில் வெளியாகி வைரலாகி வருகிறது.