தீபாவளி போட்டியில் டீசல் : ஆக்ஷன் ஹீரோவாக ஹரிஷ் கல்யாண்
ADDED : 45 days ago
வரும் தீபாவளிக்கு துருவ் நடித்த ‛பைசன்', பிரதீப் ரங்கநாதனின் ‛டியூட், எல்.ஐ.கே' ஆகிய படங்கள் ரிலீஸ் என அறிவிக்கப்பட்டுள்ளன. மற்ற பெரிய ஹீரோ படங்கள் வரவில்லை. இந்த கேப்பை பயன்படுத்தி கொண்டு ஹரிஷ் கல்யாணின் ‛டீசல்' படம் தீபாவளி ரிலீஸ் என அறிவிக்கப்பட்டுள்ளது.
சண்முகம் முத்துசாமி இயக்கிய இந்த படத்தில் ஹரிஷ் கல்யாண், அதுல்யா ரவி, வினய், காளிவெங்கட் உட்பட பலர் நடித்துள்ளனர். பார்க்கிங், லப்பர் பந்து போன்ற வெற்றி படங்களுக்குபின் ஹரிஷ் கல்யாணின் டீசல் வருவதால் கவனத்தை பெறுகிறது. தற்போது இதன் டிரைலரும் வெளியிடப்பட்டுள்ளது. இதில் ஆக் ஷன் ஹீரோவாக மாறி இருக்கிறார் ஹரிஷ். தீபாவளி படங்களில் ஒரு ஒற்றுமை இருக்கிறது. அனைத்துமே ஆங்கில தலைப்புகள்.