டூரிஸ்ட் பேமிலி இயக்குனருக்கு ஜோடியான அனஸ்வரா ராஜன்

சமீபத்தில் தமிழில் அறிமுக இயக்குனர் அபிஷன் ஜீவ்னித் இயக்கத்தில் வெளியான படம் 'டூரிஸ்ட் பேமிலி'. சிறிய பட்ஜெட்டில் உருவான இப்படம் உலகளவில் ரூ. 90 கோடிக்கு மேல் வசூலித்தது. சில மாதங்களாக அபிஷன் ஜீவ்னித் கதாநாயகனாக புதிய படத்தில் நடிக்கவுள்ளார் என தகவல் வெளியானது. இவர் டூரிஸ்ட் பேமிலி படத்தில் ஒரு முக்கிய கதாபாத்திரத்தில் நடித்திருந்தார் என்பது குறிப்பிடத்தக்கது.

அபிஷன் ஜீவ்னித் கதாநாயகனாக நடிக்கும் இப்படத்தை அவரின் உதவி இயக்குநர் மதன் என்பவர் இயக்குகிறார் . இதில் கதாநாயகியாக மலையாள சினிமாவின் இளம் நடிகையான அனஸ்வரா ராஜன் நடிக்கின்றார். இதை ரஜினியின் இளைய மகள் சவுந்தர்யா அவரின் ஜியான் பிலிம்ஸ் மற்றும் டூரிஸ்ட் பேமிலி படத்தின் இணை தயாரிப்பாளர் மகேஷ் ராஜ் பசிலன் அவரின் எம்.ஆர். பி எண்டெர்டெயிமென்ட் நிறுவனங்களின் மூலம் இணைந்து தயாரிக்கின்றனர். ஷான் ரோல்டன் இசையமைக்கிறார். விரைவில் படப்பிடிப்பு துவங்குகிறது.