சுதீப்பின் அடுத்த படத் தலைப்பு 'மார்க்'

தமிழ்த் திரைப்படத் தயாரிப்பு நிறுவனமான சத்யஜோதி பிலிம்ஸ் தயாரிப்பில், கன்னட நடிகரான சுதீப் நடிக்கும் அவரது 47வது படத்தின் பெயரை 'மார்க்' என அறிவித்துள்ளார்கள். இன்று சுதீப்பின் பிறந்தநாளை முன்னிட்டு அதற்காக ஒரு வீடியோவையும் வெளியிட்டுள்ளார்கள்.

இப்படத்தை சுதீப் நடித்த 'மேக்ஸ்' படத்தை இயக்கிய விஜய் கார்த்திகேயா இயக்குகிறார். இவரும் தமிழகத்தைச் சேர்ந்தவர்தான். சுதீப்பின் 47வது படத்தை இயக்குனர் சேரன் இயக்குவதாக இருந்தது. ஆனால், கருத்து வேறுபாட்டால் அவர் படத்திலிருந்து விலகிக் கொண்டார். அதன்பிறகு 'மேக்ஸ்' இயக்குனரை அழைத்து இப்படத்தை ஆரம்பித்தார்கள். தற்போது படப்பிடிப்பு விறுவிறுப்பாக நடந்து வருகிறது. கிறிஸ்துமஸ் வெளியீடாக படம் வெளியாக உள்ளது.

இப்படத்திற்கு முதலில் மேக்ஸ் 2' என்றுதான் பெயர் வைப்பதாக யோசித்தார்களாம். ஆனால், 'மேக்ஸ்' படத்தைத் தயாரித்த தயாரிப்பாளர் தாணு அத்தலைப்பைத் தரவில்லை என்று சொல்கிறார்கள். எனவே, 'மார்க்' என்று வைத்துள்ளார்கள்.