மீண்டும் வெப் தொடரில் நடிக்கும் சித்தார்த்

தமிழ், தெலுங்கு, ஹிந்தி சினிமாவில் முன்னணி நடிகராக இருக்கும் சித்தார்த் சில வெப் தொடர்களிலும் நடித்துள்ளார். 'லீதா, எஸ்கேப் லைப்' உள்ளிட்ட தொடர்களில் நடித்த அவர் தமிழில் 'நவராசா' என்ற வெப் தொடரை தயாரித்து நடித்தார்.
சில வருட இடைவெளிக்குப் பிறகு தற்போது மீண்டும் வெப் தொடரில் நடிக்கிறார்.

'அன்கஸ்டமைஸ்டு எர்த்' (பழக்கமற்ற பூமி) என்பது வெப் தொடரின் டைட்டில். புகழ்பெற்ற ஆங்கில எழுத்தாளர் ஜும்பா லஹிரியின் நாவலை அடிப்படையாக கொண்ட தொடர்.

எட்டு எபிசோடுகளைக் கொண்ட இந்த தொடர் ரொமாண்டிக் கதை கதாபாத்திரங்களுக்கு முக்கியத்துவம் கொடுத்து உருவாகிறது. ரித்தேஷ் பத்ரா இயக்குகிறார். பிரிடா பின்டோ நாயகியாக நடிக்கிறார். ஜான் வெல்ஸ் புரொடக்ஷன்ஸ், வார்னர் பிரதர்ஸ் டெலிவிஷனுடன் இணைந்து தயாரிக்கிறது.