துருவ் விக்ரமுக்கு வாழ்த்து சொன்ன அனுபமா பரமேஸ்வரன்
ADDED : 47 days ago
தமிழ் சினிமாவில் உள்ள மற்றுமொரு வாரிசு நடிகர் துருவ் விக்ரம். நடிகர் விக்ரமின் மகன். 2019ல் வெளிவந்த 'ஆதித்ய வர்மா' படம் மூலம் கதாநாயகனாக அறிமுகமானார். அந்தப் படம் பெரிய அளவில் வரவேற்பைப் பெறவில்லை. அதன்பின் அப்பா விக்ரமுடன் இணைந்து 'மகான்' படத்தில் நடித்தார். அந்தப் படம் ஓடிடி தளத்தில் நேரடியாக வெளியானது. மூன்று வருட இடைவெளிக்குப் பிறகு துருவ் நடித்துள்ள 'பைசன்' படம் இந்த வருட தீபாவளிக்கு வெளியாக உள்ளது.
இன்று துருவ் விக்ரமின் பிறந்தநாள். அவருக்கு படத்தின் கதாநாயகியாக அனுபமா பரமேஸ்வரன் வாழ்த்து தெரிவித்துள்ளார். இருவரும் காதலிப்பதாக ஏற்கெனவே கிசுகிசு உள்ளது. அந்த கிசுகிசு வந்த போது இருவரும் முத்தமிட்டுக் கொண்ட புகைப்படங்களும் வெளியாகி சர்ச்சையை ஏற்படுத்தியது. ஆனால், இருவருமே அது குறித்து எதுவும் சொல்லவில்லை. மாரி செல்வராஜ் இயக்கத்தில் உருவாகியுள்ள 'பைசன்' தனக்கு ஒரு திருப்புமுனையை ஏற்படுத்தும் படமாக இருக்கும் என்ற நம்பிக்கையுடன் இருக்கிறார் துருவ்.