தெலுங்கில் முதல் முறையாக நுழைந்த அக்ஷய் கன்னா ; சுக்ராச்சாரியார் கதாபாத்திரத்தில் நடிக்கிறார்

கடந்த வருடம் தெலுங்கில் வெளியாகிய மிகப்பெரிய வெற்றியை பெற்ற படம் 'ஹனுமான்'. இந்த படத்தை இயக்குனர் பிரசாந்த் வர்மா இயக்கியிருந்தார். இந்த நிலையில் இங்கே எப்படி லோகேஷ் சினிமாட்டிக் யுனிவர்ஸ் (எல்சியு) உருவானதோ அதேபோல தெலுங்கில் பிரசாந்த் வர்மா சினிமாட்டிக் யுனிவர்ஸ் என்கிற கான்செப்ட்டில் பிரசாந்த் வர்மா பங்களிப்பில் உருவாக இருக்கும் படம் 'மகாகாளி'.

புராண பின்னணியில் உருவாக இருக்கும் இந்த படத்தில் அசுரகுரு சுக்ராச்சாரியார் கதாபாத்திரத்தில் நடிப்பதன் மூலம் முதன்முறையாக தெலுங்கு திரையுலகில் அடி எடுத்து வைக்கிறார் பாலிவுட் நடிகர் அக்ஷய் கன்னா.

சமீப வருடங்களாக சைப் அலிகான், சன்னி தியோல் போன்றவர்கள் தென்னிந்திய சினிமாவில் களம் இறங்கி வரும் நிலையில் தற்போது அக்ஷய் கண்ணாவும் அந்த பட்டியலில் இடம் பிடித்துள்ளார். தற்போது இந்த படத்தில் அக்ஷய் கன்னா நடிக்கும் சுக்ராச்சாரியார் கதாபாத்திரத்தின் பர்ஸ்ட் லுக் போஸ்டர் வெளியிடப்பட்டுள்ளது.