புதிய இசை நிறுவனம் தொடங்கிய ஐசரி கணேஷ்
ADDED : 1 hours ago
வேல்ஸ் பிலிம் இண்டர்நேஷனல் நிறுவனத்தின் தலைவர் ஐசரி கணேஷ் 20க்கும் மேற்பட்ட திரைப்படங்களை தயாரித்திருக்கிறார், சென்னை மற்றும் பெங்களூருவில் படப்பிடிப்பு தளங்கள் அமைத்துள்ளார்.
தற்போது 'வேல்ஸ் மியூசிக்' என்ற புதிய இசை நிறுவனத்தை தொடங்கி உள்ளார். இதன் தொடக்க விழா நேற்று நடந்தது. இந்நிகழ்ச்சியில் ஏ.ஆர்.ரஹ்மான், அனிருத், தனுஷ், பிரபுதேவா, இயக்குநர்கள் ஷங்கர், சுந்தர் சி, விஜய் ஆண்டனி, நெல்சன், ஆர்.கே.செல்வமணி, மாரி செல்வராஜ் தயாரிப்பாளர்கள் ஆர்.பி.சவுத்ரி, லலித், நடிகர்கள் அருண் விஜய், கிர்த்தி ஷெட்டி, மீனா, பார்த்திபன், ஆர்.வி.உதயகுமார், கே.பாக்யராஜ், வசந்த் ரவி, ரெஜினா, ஆதித்யராம் உள்பட பலர் கலந்து கொண்டனர்.
ஐசரி கணேஷ் கூறும்போது பிரபலமான இசைக்கலைஞர்கள், சுயாதீன கலைஞர்கள் மற்றும் புது திறமையாளர்களுக்கான களத்தை உருவாக்கும் தளமாக 'வேல்ஸ் மியூசிக்' செயல்படும். மேலும் இந்தத் தளம் கிரியேஷன், மார்க்கெட்டிங் மற்றும் விநியோகத்தையும் கவனிக்கும் என்றார்.