ராஷ்மிகாவின் 'தி கேர்ள் பிரண்ட்' படத்தின் சென்சார் மற்றும் ரன்னிங் டைம் வெளியானது!

தேசிய விருது பெற்ற தெலுங்கு இயக்குனர் ராகுல் ரவீந்திரநாத் இயக்கத்தில் ராஷ்மிகா மந்தனா நடித்துள்ள படம் 'தி கேர்ள் பிரண்ட்'. இப்படத்தில் அவருக்கு ஜோடியாக தீக்ஷித் ஷெட்டி நடித்துள்ளார். வருகிற நவம்பர் 7ம் தேதி 5 மொழிகளில் வெளியாக உள்ள இப்படத்தின் சென்சார் சான்றிதழ் மற்றும் ரன்னிங் டைம் தகவலை படக்குழு வெளியிட்டுள்ளது.

அதில், இந்த 'தி கேர்ள் பிரண்ட்' படத்திற்கு யுஏ சான்றிதழ் கிடைத்திருப்பதாகவும், இப்படம் 138 நிமிடங்கள், அதாவது 2 மணி நேரம் 18 நிமிடங்கள் ஓடக்கூடியது என்றும் தெரிவிக்கப்பட்டுள்ளது. மேலும் இப்படத்தில் ராம் ரமேஷ், ரோகினி ஆகியோர் முக்கிய கதாபாத்திரங்களில் நடித்துள்ள நிலையில், அணு இம்மானுவேல் ஒரு சிறப்பு தோற்றத்தில் நடித்திருக்கிறார்.