மீண்டும் ‛டக்கர்' பட இயக்குனருடன் கைகோர்த்த சித்தார்த்!
ADDED : 4 hours ago
தமிழில் ‛கப்பல், டக்கர்' போன்ற படங்களை இயக்கியவர் கார்த்திக் ஜி கிரிஷ். டக்கர் படம் எதிர்பார்த்த வரவேற்பைப் பெறாததால் இவரின் அடுத்த படம் குறித்து எந்தவொரு அறிவிப்பும் வெளியாகவில்லை.
இந்த நிலையில் மீண்டும் கார்த்திக் ஜி கிரிஷ் இயக்கத்தில் சித்தார்த் 'ரவுடி அண்ட் கோ' என்கிற படத்தில் நடிக்கின்றார். இந்த படத்தை பேஷன் ஸ்டுடியோஸ் நிறுவனம் தயாரிக்கின்றனர் என இன்று அறிவித்துள்ளனர். இந்த படத்திற்கு அயலி வெப் தொடருக்கு இசையமைத்த ரேவா என்பவர் இசையமைக்கிறார். அடுத்த ஆண்டு கோடை விடுமுறைக்கு இப்படம் திரைக்கு வருகிறது என குறிப்பிடப்பட்டுள்ளனர்.