சித்தார்த், ராஷி கண்ணா இணையயும் 'ரெளடி அண்ட் கோ'

பேஷன் ஸ்டூடியோ சார்பில் சுதன் சுந்தரம் தயாரிக்கும் படம் 'ரெளடி அண்ட் கோ'. இதில் சித்தார்த்தும், ராஷி கண்ணாவும் முதன் முறையாக இணைந்து நடிக்கிறார்கள். இவர்களுடன் சுனில், யோகிபாபு, ரெடின் கிங்ஸ்ஸி, பிராங்க்ஸ்டர் ராகுல், வெற்றி மணி மற்றும் சார்லஸ் வினோத் ஆகியோர் நடித்துள்ளனர். 'தனி ஒருவன்' புகழ் வம்சி வில்லனாக நடித்துள்ளார்.

அரவிந்த் சிங் ஒளிப்பதிவு செய்கிறார், ரேவா இசை அமைக்கிறார். சித்தார்த் நடித்த 'டக்கர்' படத்தை இயக்கிய கார்த்திக் ஜி கிரிஷ் இந்தப் படத்தை இயக்கியுள்ளார். படம் பற்றி அவர் கூறும்போது, ரவுடிகளின் கார்ப்பரேட் சாம்ராஜ்யம் பற்றிய கதை என்பதால் இந்த தலைப்பை தேர்வு செய்தோம். முழுக்க முழுக்க நகைச்சுவை நிறைந்த எண்டர்டெயினராக கதை இருக்கும். தமிழ், தெலுங்கு, ஹிந்தி, கன்னடம் மற்றும் மலையாளம் என பான் இந்திய அளவில் வெளியிட திட்டமிடப்பட்டுள்ளது என்றார்.