கில்லி பாணியில் அடுத்த படத்தை இயக்கும் கீர்த்தீஸ்வரன்

பிரதீப் ரங்கநாதன் நடித்த டியூட் படத்தை இயக்கியவர் கீர்த்தீஸ்வரன். இந்தப் படம் கலவையான விமர்சனங்களை சந்தித்தாலும் இளவட்ட ரசிகர்கள் மத்தியில் வரவேற்பு பெற்றது. அதனால் இப்படம் 100 கோடி தாண்டி வசூலித்து இருக்கிறது. இந்த நிலையில் தனது அடுத்த படம் குறித்து அவர் கூறுகையில், எனது இரண்டாவது படத்தை தரணி இயக்கத்தில் விஜய் நடித்த கில்லி படப்பாணியில் இயக்கப் போகிறேன். ஆக் ஷன் காதல் என ஒரு கலவையான ஜானரில் கில்லி படம் இருக்கும். தரணியின் திரைக்கதை, விஜய், பிரகாஷ்ராஜின் அதிரடியான நடிப்பு என படமே ஒரு மாஸாக இருக்கும். அதனால் எனது அடுத்த படத்தை இந்த கில்லி பாணியில் தற்போதைய காதல் மோதல் என ஒரு விறுவிறுப்பான கதையில்தான் இயக்கப் போகிறேன் என்கிறார் கீர்த்தீஸ்வரன்.