‛கோழிப்பண்ணை செல்லத்துரை' நாயகனின் அடுத்த படம் ‛ஹைக்கூ'

'கனா காணும் காலங்கள்' வெப் தொடரின் மூலம் பிரபலமான நடிகர் ஏகன். அதன் பிறகு சீனு ராமசாமி இயக்கத்தில் 'கோழிப்பண்ணை செல்லத்துரை' படத்தின் மூலம் கதாநாயகனாக தமிழ் சினிமாவில் அறிமுகமானார். இதையடுத்து ஆஹா கல்யாணம் வெப் தொடரை இயக்கிய யுவராஜ் சின்னசாமி இயக்கத்தில் ஏகன் புதிய படத்தில் கதாநாயகனாக நடித்து வருகிறார். தற்போது இந்த படத்திற்கு 'ஹைக்கூ' என தலைப்பு வைத்துள்ளதாக முதல் பார்வை போஸ்டருடன் அறிவித்துள்ளனர்.

இந்த படத்தில் கதாநாயகிகளாக கோர்ட் படத்தின் மூலம் பிரபலமான ஸ்ரீதேவி அப்பல்லா மற்றும் மின்னல் முரளி படத்தின் மூலம் பிரபலமான பெமினா ஜார்ஜ் ஆகிய இருவரும் நடிக்கின்றனர். ஜோ படத்தை தயாரித்த விசன் சினிமா ஹவுஸ் நிறுவனம் தயாரிக்கின்றனர். ஏற்கனவே சூர்யா, பாண்டிராஜ் கூட்டணியில் வெளிவந்த 'பசங்க 2' படத்திற்கு முதலில் ஹைக்கூ என தலைப்பு வைத்தனர் என்பது குறிப்பிடத்தக்கது.