அண்ணனின் திருமண நாளிலேயே தனது திருமணத்திற்கு தேதி குறித்த அல்லு சிரிஷ்

தெலுங்கு திரையுலகின் பிரபல நடிகரான அல்லு அர்ஜுனின் தம்பி அல்லு சிரிஷும் தனது அண்ணனைப் போலவே சினிமாவில் நுழைந்து சில படங்களில் கதாநாயகனாக மற்றும் முக்கிய வேடங்களில் நடித்து வருகிறார். தமிழில் ராதாமோகன் இயக்கிய கவுரவம் படத்தில் கதாநாயகனாக அறிமுகமானாலும் கூட இன்னும் தெலுங்கில் அவருக்கான சொல்லிக் கொள்ளும்படியான இடம் கிடைக்கவில்லை. இந்த நிலையில் இவருக்கு திருமணம் நிச்சயதார்த்தம் கடந்த அக்டோபர் 31ம் தேதி நடைபெற்றது. தனது நீண்ட நாள் தோழியான நயனிகா என்பவரை தான் திருமணம் செய்ய இருக்கிறார் அல்லு சிரிஷ்.

இந்த நிலையில் தற்போது தங்களது திருமண தேதியை அறிவித்துள்ளார் அல்லு சிரிஷ். வரும் மார்ச் 6ம் தேதி இவர்களது திருமணம் நடைபெற இருக்கிறது. இதில் ஆச்சரியம் என்னவென்றால் இவரது அண்ணன் அல்லு அர்ஜுனனின் திருமணமும் இதே போல மார்ச் 6 2011ல் நடைபெற்றது தான் இப்படி ஒரு தேதி அமைந்தது.

‛‛இது ஏதேச்சையான ஒரு நிகழ்வு என்றும் அண்ணனின் திருமண நாளிலேயே எங்கள் திருமணம் நடப்பது ஒரு சிறப்பான ஒன்று” என்றும் கூறியுள்ளார் அல்லு சிரிஷ்.