காத்திருங்கள்: அஜித்தின் 'மங்காத்தா' விரைவில் ரீ ரிலீஸ்!

சமீப காலமாக முன்னணி நடிகர்களின் சூப்பர் ஹிட் படங்கள் ரீரிலீசாகி பெரிய அளவில் வசூலித்து வருகின்றன. அந்த வகையில், ரஜினி 75வது பிறந்த நாளில் அவர் நடித்த 'படையப்பா' மீண்டும் திரைக்கு வந்தது. அடுத்தபடியாக அவர் நடித்த 'மூன்று முகம்' வெளியாக இருப்பதாக கூறப்படுகிறது.

இந்த நிலையில் அஜித் நடித்த 'அட்டகாசம்' ஏற்கனவே ரீரிலீஸ் ஆன நிலையில், அடுத்து வெங்கட் பிரபு இயக்கத்தில் அவர் நடித்த 'மங்காத்தா' படம் விரைவில் ரீரிலீஸ் ஆகிறது. இந்த தகவலை அப்படத்தை வெளியிட்ட நிறுவனம் எக்ஸ் பக்கத்தில் ஒரு வீடியோ வெளியிட்டு 'காத்திருங்கள்' என்று அறிவித்துள்ளது.

அஜித்தின் 50வது படமான இந்த படம் 2011ம் ஆண்டு திரைக்கு வந்தது. இப்படத்தில் அஜித்துடன் அர்ஜுன், திரிஷா, லட்சுமி ராய், அஞ்சலி, ஆண்ட்ரியா உள்ளிட்ட பலர் முக்கிய வேடங்களில் நடிக்க, யுவன் சங்கர் ராஜா இசையமைத்துள்ளார்.