தனுஷ் 55ல் சாய் அபயங்கர்

தமிழ் சினிமாவின் மோஸ்ட் வான்டட் இசையமைப்பாளராக மாறி உள்ளார் சாய் அபயங்கர். பாடகர்கள் திப்பு, ஹரினியின் தம்பதியரின் மகனான இவர், ‛‛கட்சி சேர..., ஆச கூட...'' தனி ஆல்பங்கள் மூலம் பிரபலமானார். தொடர்ந்து ‛டியூட்' படத்தின் மூலம் தமிழில் இசையமைப்பாளராக அறிமுகமானார். இந்த படத்தின் பாடல்கள் வரவேற்பை பெற்றன. ஆனால் இப்படம் வெளியாகும் முன்பே சூர்யாவின் ‛கருப்பு', லோகேஷ் கனகராஜின் ‛பென்ஸ்' என அடுத்தடுத்து பட வாய்ப்புகள் இவரை தேடி வந்தன. தொடர்ந்து கார்த்தியின் ‛மார்ஷல்', ‛அல்லு அர்ஜுன் 22'வது படம் உள்ளிட்ட படங்களுக்கும் இசையமைக்கிறார்.

இந்நிலையில் ராஜ்குமார் பெரியசாமி இயக்கத்தில் தனுஷின் 55வது படத்திற்கும் இவர் தான் இசை என அறிவிக்கப்பட்டுள்ளது. பொதுவாக தனுஷ் படங்களுக்கு ஜிவி பிரகாஷே இசையமைப்பார். அதேப்போல் ராஜ்குமாரின் முந்தைய படமான ‛அமரன்'-க்கும் ஜிவி தான் இசையமைத்தார். ஆனால் இவரை தவிர்த்து இப்போது சாய் இசையமைப்பது பலருக்கும் ஆச்சர்யத்தை தந்துள்ளது.