சிரஞ்சீவி படத்தில் இணையும் அனுராக் காஷ்யப்

பாலிவுட் இயக்குனரும் நடிகருமான அனுராக் காஷ்யப் எப்போதுமே தென்னிந்திய படங்கள் மீது, குறிப்பாக தமிழ் படங்கள் மீது தொடர்ந்து கவனம் செலுத்தி நல்ல படங்களை மனம் திறந்து பாராட்டியும் வருகிறார். அது மட்டுமல்ல தமிழில் 'இமைக்கா நொடிகள், மகாராஜா' ஆகிய படங்களிலும் மிகச்சிறந்த வில்லன் நடிப்பை வெளிப்படுத்தி பாராட்டுக்களை பெற்றார்.

இதைத் தொடர்ந்து தெலுங்கில் ஆத்வி சேஷ், மிருனாள் தாக்கூர் இணைந்து நடித்துள்ள 'டகாய்ட்' படத்திலும் முக்கிய கதாபாத்திரத்தில் நடிப்பதன் மூலம் அடி எடுத்து வைத்துள்ளார். அனுராக் காஷ்யப். அந்த படம் வரும் மார்ச் மாதம் வெளியாக இருக்கிறது.
இந்த நிலையில் அடுத்ததாக பாபி கொல்லி டைரக்ஷனில் சிரஞ்சீவி நடிக்கும் 158வது படத்திலும் அனுராக் காஷ்யப் முக்கிய கதாபாத்திரத்தில் இணைந்து நடிக்க இருக்கிறார் என்கிற தகவல் தெலுங்கு திரையுலகில் தற்போது பேசப்பட்டு வருகிறது.