'பூத் போலீஸ் 2' படத்தை இயக்கும் பிரியதர்ஷன்

ஹிந்தியில் கடந்த 2021ல் சைப் அலிகான், அர்ஜுன் கபூர், யாமி கவுதம் ஆகியோர் நடிப்பில் வெளியான படம் 'பூத் போலீஸ்'. ஹாரர் காமெடி படமாக வெளியான இந்த படத்தை இயக்குனர் பவன் கிருபாலனி இயக்கியிருந்தார். இந்த நிலையில் தற்போது ஐந்து வருடங்கள் கழித்து இதன் இரண்டாம் பாகம் 'பூத் போலீஸ் 2' என்கிற பெயரில் உருவாக இருக்கிறது. ஆனால் இந்த இரண்டாம் பாகத்தை இயக்குனர் பிரியதர்ஷன் இயக்க உள்ளார்.

முதல் பாகத்தில் நடித்த சைப் அலிகான் மற்றும் அர்ஜுன் கபூர் ஆகியோர் இந்த இரண்டாம் பாகத்தில் இடம் பெறவில்லை. அதற்கு பதிலாக புது காம்பினேஷன் ஆக பிரபலமான ஒரு சீனியர் மற்றும் ஜூனியர் நடிகரை இணைந்து நடிக்க வைக்க திட்டமிட்டுள்ளனர். இதில் ஆச்சரியமாக நடிகர் சைப் அலிகான் தற்போது பிரியதர்ஷன் இயக்கத்தில் உருவாகி வரும் 'ஹைவான்' என்கிற படத்தில் நடித்து வருகிறார். இந்த பூத் போலீஸ் 2 படத்தை இயக்குவதற்காக இயக்குனர் பிரியதர்ஷனுக்கு 21 கோடி ரூபாய் சம்பளம் பேசப்பட்டுள்ளதாக சொல்லப்படுகிறது.