ஜனநாயகனைத் தொடர்ந்து அடுத்த பட வேலைகளில் இறங்கிய வினோத்

விஜய் நடிப்பில் ஜனநாயகன் படத்தை இயக்கி உள்ள எச்.வினோத் இந்த படத்தை இயக்குவதற்கு முன்பு தனுஷை வைத்து இயக்குவதற்கு தயாரானார். ஆனால் திடீரென்று விஜய்யின் கடைசி படத்தை இயக்கும் வாய்ப்பு கிடைத்ததால் தனுஷ் படத்தை தள்ளி வைத்துவிட்டு ஜனநாயகனில் இறங்கினார் எச்.வினோத். தற்போது அந்த படம் சென்சார் பிரச்சனையில் சிக்கியிருக்கிறது. இந்த நிலையில் மீண்டும் தனுஷை இயக்குவதற்கு அவரை தொடர்பு கொண்ட போது, தற்போது ராஜ்குமார் பெரியசாமி, தமிழரசன் பச்சமுத்து, மாரி செல்வராஜ் என 3 படங்களில் நடிக்க கால்சீட் கொடுத்து விட்டதாக கூறியிருக்கிறார். அதனால் தற்போது மேலும் இரண்டு ஹீரோக்களிடம் கால்சீட் கேட்டு வரும் எச்.வினோத், தனது அடுத்த படம் குறித்த அறிவிப்பை விரைவில் அதிகாரப்பூர்வமாக அறிவிக்கவும் தயாராகி வருகிறார்.