அஜித்தின் 64வது படத்தை தயாரிக்கும் ஏகே நிறுவனம்

குட் பேட் அக்லி படத்தை அடுத்து மீண்டும் ஆதிக் ரவிச்சந்திரன் இயக்கும் தனது 64வது படத்தில் நடிக்கப் போகிறார் அஜித்குமார். கடந்த பல மாதங்களாக கார் பந்தயங்களில் ஈடுபட்டு வரும் அஜித், பிப்ரவரி மாதத்தில் இருந்து 64வது படத்தின் படப்பிடிப்பில் கலந்து கொள்ள இருப்பதாக ஏற்கனவே தெரிவித்திருந்தார் ஆதிக் ரவிச்சந்திரன். அதனால் இப்படத்தின் ஆரம்பகட்ட பணிகளில் அவர் ஈடுபட்டு வந்ததோடு இப்படத்தை தயாரிக்க சில நிறுவனங்களிடத்திலும் பேச்சுவார்த்தை நடத்தி வந்தார். இந்நிலையில் தற்போது அஜித் 64 வது படத்தை ஏகே என்டர்டெயின்மென்ட் சார்பில் இந்த படத்தை தெலுங்கு தயாரிப்பாளர் அனில் சுங்கரா தயாரிப்பதாக ஒரு தகவல் வெளியாகி இருக்கிறது. இந்த நிறுவனம் தெலுங்கில் சிரஞ்சீவி நடித்த போலா சங்கர் உள்பட 15 படங்களுக்கு மேல் தயாரித்துள்ளது என்பது குறிப்பிடத்தக்கது.