கல்யாணியைப் போல அமலாபாலுக்கும் கை கொடுக்குமா டிராகுலா ஜானர் படம்?

நடிகை அமலாபால் தமிழ், தெலுங்கு, மலையாளம் என சில வருடங்களுக்கு முன்பு வரை பிஸியான நடிகையாக இருந்தவர். இயக்குனர் விஜய்யுடன் விவாகரத்து, அதன்பிறகு தனது காதலரான ஜெகத் தேசாயை திருமணம் செய்து கொண்ட பின் படங்களில் நடிப்பதை வெகுவாக குறைத்துக் கொண்டார். வருடத்திற்கு அவர் நடித்து ஒன்று இரண்டு படங்கள் மட்டுமே வருகின்றன. கடந்த வருடம் அவரது ஒரு படம் கூட வெளியாகவில்லை. இந்த நிலையில் தற்போது அவர் நடிப்பில் மலையாளத்தில் உருவாகியுள்ள ஹாப் (Half) என்கிற படத்தில் கதாநாயகியாக நடித்துள்ளார்.

இதற்கு முன்னதாக கல்யாணி பிரியதர்ஷன் நடிப்பில் வெளியாகி மிகப்பெரிய வெற்றியைப் பெற்ற லோகா சாப்டர் 1 ; சந்திரா படம் போல இதுவும் டிராகுலா பின்னணியில் தான் உருவாகி வருகிறது. சமீபத்தில் வெளியான இந்த படத்தின் போஸ்டர் அதை உறுதிப்படுத்தவும் செய்கிறது. தென்னிந்திய மொழிகள் மட்டுமல்லாது ஹிந்தியிலும் இந்த படம் வெளியாக இருக்கிறது. கல்யாணிக்கு லோகா படம் கை கொடுத்தது போல அமலாபாலுக்கும் இந்த ஹாப் படம் கை கொடுக்குமா என்பதை பொறுத்திருந்துதான் பார்க்க வேண்டும்.