ஹிந்தியில் ரீமேக் ஆகிறது தலைவர் தம்பி தலைமையில்

ஜீவா நடித்த ‛தலைவர் தம்பி தலைமையில்' படம் வெற்றி பெற்று, பல கோடி லாபத்தை கொடுத்துள்ளது. இப்போது அந்த படம் ஹிந்தியில் ரீமேக் ஆக உள்ளது. அங்கே போனி கபூர் ரீமேக் செய்ய ரைட்ஸ் வாங்கியுள்ளார். டிடிடி தயாரிப்பாளர் கண்ணன் ரவியும், போனி கபூரும் நண்பர்கள் என்பதால் இந்த விஷயம் உடனடியாக நடந்துள்ளது.

ஹிந்தியில் யார் நடிக்கப் போகிறார்கள், யார் இயக்கப் போகிறார்கள் என்பது இன்னமும் முடிவயாகவில்லை. தமிழில் வெற்றி பெற்ற படங்கள் அவ்வப்போது ஹிந்தியில் ரீ மேக் ஆகின்றன. ஆனால், மவுனகுரு, தெறி, மாநகரம், கோலமாவு கோகிலா, காஞ்சனா உள்ளிட்ட படங்கள் அங்கே வெற்றி பெறவில்லை. ஹிந்தி ரசிகர்களின் ரசிப்புதன்மை வேறு மாதிரியாக இருப்பதால் தமிழ் கதைகளுக்கு அங்கே வரவேற்பு இல்லை. கஜினி தான் ஹிந்தியில் ரீமேக் ஆகி பெரிய ஹிட் ஆனது.

ஓடிடி தாக்கம் அதிகமானபின் தமிழ் படங்கள் தெலுங்கு, கன்னடம், மலையாளம் மொழிகளில் டப்பாகி விடுகிறது. அதனால் முன்புபோல தமிழ் கதைகள் இந்த மொழிகளிலும் ரீமேக் ஆவதில்லை.