டொவினோ தாமஸ் படத்தில் இணைந்த 'சர்வம் மாயா' நாயகி
ADDED : 2 days ago
கடந்த டிசம்பர் மாதம் மலையாளத்தில் நிவின்பாலி நடிப்பில் அகில் சத்யன் இயக்கத்தில் 'சர்வம் மாயா' திரைப்படம் வெளியானது. பீல் குட் ஹாரர் காமெடி படமாக வெளியான இந்த படம் 100 கோடிக்கு மேல் வசூலித்து வெற்றி படமாக அமைந்தது. அது மட்டுமல்ல இந்த படத்தில் கதாநாயகியாக அறிமுகமான ரியா ஷிபுவுக்கு இந்த படம் மிகப்பெரிய வரவேற்பை ரசிகர்களிடம் பெற்று தந்துள்ளது. குறிப்பாக 'பிரேமலு' படத்தின் மூலம் மமிதா பைஜுக்கு கிடைத்த வரவேற்பை போல 'சர்வம் மாயா' படத்தில் இவர் நடித்த டெலுலு கேரக்டர் ரசிகர்களை வசியம் செய்தது.
அடுத்ததாக அவர் நடிக்கும் படம் குறித்த எதிர்பார்ப்பு நிலவி வந்த நிலையில் தற்போது மலையாளத்தில் டொவினோ தாமஸ், பசில் ஜோசப் மற்றும் வினித் சீனிவாசன் ஆகியோர் இணைந்து நடிக்கும் 'அதிரடி' என்கிற திரைப்படத்தில் அவர் கதாநாயகியாக நடித்து வருகிறார் என்கிற அறிவிப்பு வெளியாகி உள்ளது. சுவாதி ஆர் கிருஷ்ணா என்கிற கதாபாத்திரத்தில் அவர் நடிக்கும் போஸ்டரும் வெளியிடப்பட்டுள்ளது. இந்த படத்தை இயக்குனர் அருண் அனிருத்தன் என்பவர் இயக்கி வருகிறார். வரும் மே 14ம் தேதி இந்த படம் வெளியாக இருக்கிறது.