பிப்ரவரி 26ல் விஜய் தேவரகொண்டா, ராஷ்மிகா மந்தனா திருமணம்?

தெலுங்குத் திரையுலகத்தின் முக்கியமான நட்சத்திர காதல் ஜோடியான விஜய் தேவரகொண்டா, ராஷ்மிகா மந்தனா ஆகியோருக்கு பிப்ரவரி 26ம் திருமணம் நடைபெற உள்ளதாக தற்போதைய தகவல்கள் தெரிவிக்கின்றன. முதலில் பிப்ரவரி முதல் வாரத்தில் திருமணம் என்ற தகவல் வெளியானது. இருந்தாலும் இதுவரையில் இருவரும் அவர்களது திருமணத்தைப் பற்றி எதுவுமே சொல்லவில்லை.

சமீபத்தில் விமான நிலையத்தில் ராஷ்மிகாவிற்கு ஒரு புகைப்படக் கலைஞர் வாழ்த்துகள் என்று சொன்ன போது கூட சிரித்துக் கொண்டே போய்விட்டார். ராஜஸ்தானில் உள்ள உதய்ப்பூரில் அரண்மனை ஹோட்டல் ஒன்றில் திருமணம் நடைபெற உள்ளதாம். அதற்கு இருவரது நெருங்கிய உறவினர்கள், நண்பர்களுக்கு மட்டும் அழைப்பு செய்கிறார்களாம். அதற்குப்பின் ஐதராபாத்தில் திருமண வரவேற்பு நடத்த உள்ளதாகவும், அதற்கு திரையுலகில் உள்ள அனைவரையும் அழைத்து நடத்தப் போவதாகவும் டோலிவுட் வட்டாரங்கள் தெரிவிக்கின்றன.

சில மாதங்களுக்கு முன்பு இருவருக்கும் திருமண நிச்சயதார்த்தம் ரகசியமாக நடைபெற்றதென செய்திகள் வந்தன. அடுத்த சில நாட்களில் இவர்களது திருமணம் பற்றிய தகவல் அதிகாரப்பூர்வமாக வெளியாகலாம் எனத் தெரிகிறது.