‛டிராகன்-2' அப்டேட் கொடுத்த பிரதீப் ரங்கநாதன்- அஸ்வத் மாரிமுத்து!

அஸ்வத் மாரிமுத்து இயக்கத்தில் கடந்த ஆண்டு பிப்ரவரி 21ம் தேதி திரைக்கு வந்த படம் ‛டிராகன்'. பிரதீப் ரங்கநாதன், அனுபமா பரமேஸ்வரன், கயாடு லோகர் முக்கிய வேடத்தில் நடித்திருந்த இந்த படம் பாக்ஸ் ஆபிஸில் 150 கோடி வசூலித்தது. அதன்பிறகு ‛டியூட்' படத்தை அடுத்து ‛லவ் இன்சூரன்ஸ் கம்பெனி' என்ற படத்திலும் நடித்திருக்கிறார் பிரதீப் ரங்கநாதன்.

இந்த நிலையில் டிராகன் படம் திரைக்கு வந்து நேற்றோடு ஓராண்டு நிறைவடைந்துள்ள நிலையில் தனது எக்ஸ் பக்கத்தில் இரண்டு டிராகன் இடம் பெற்றுள்ள ஒரு புகைப்படத்தை வெளியிட்டு ‛டிராகன் -2' படம் குறித்த ஒரு அப்டேட் கொடுத்துள்ளார் பிரதீப் ரங்கநாதன். அவரை தொடர்ந்து இயக்குனர் அஸ்வத் மாரிமுத்து, பிரதீப் ரங்கநாதனுடன் இணைந்து எடுத்துக்கொண்டு புகைப்படத்தை பதிவிட்டு, ‛டிராகன் படம் திரைக்கு வந்து ஓராண்டு நிறைவடைந்துள்ளது. செல்ப் மேட் ஸ்டார் பிரதீப் ரங்கநாதனுடன் பணியாற்றியது சிறப்பாக இருந்தது. நாங்கள் இரண்டாவது முறையாக திரும்பி வருவோம்' என்று பதிவிட்டுள்ளார்.