திரிஷ்யம் 3 படத்தில் நடிக்க மறுத்த வெங்கடேஷ்

மலையாளத்தில் ஜீத்து ஜோசப் இயக்கத்தில் மோகன்லால் நடித்த திரிஷ்யம் படத்தின் இரண்டு பாகங்களும் வெற்றி பெற்ற நிலையில், தற்போது மூன்றாவது பாகம் உருவாகி இருக்கிறது. ஏப்ரல் இரண்டாம் தேதி இந்த படம் திரைக்கு வரவுள்ளது. திரிஷ்யம் படத்தின் முதல் இரண்டு பாகங்களின் தெலுங்கு ரீமேக்கில் வெங்கடேஷ் நடித்திருந்தார். முதல் பாகத்தை நடிகை ஸ்ரீபிரியாவும், இரண்டாம் பாகத்தை ஜீத்து ஜோசப்பும் இயக்கினார்கள்.

இந்நிலையில் திரிஷ்யம் மூன்றாம் பாகத்தில் நடிப்பதற்கு அவரை அணுகியபோது மறுத்து விட்டாராம். தொடர்ந்து ஒரே மாதிரியான கதைக்களத்தில் நடிப்பது ரசிகர் மத்தியில் படத்தை பார்க்க வேண்டும் என்கிற ஆர்வத்தை ஏற்படுத்தாது என்று கூறிவிட்டாராம். இதனால் திரிஷ்யம் படத்தின் மூன்றாம் பாகத்தில் வெங்கடேஷிற்கு பதிலாக வேறு நடிகர் நடிக்க உள்ளாராம்.