விஜய்சேதுபதி, மணிகண்டன் கூட்டணியில் முத்து என்கிற காட்டான் : டீசர் வெளியீடு
ADDED : 15 hours ago
விஜய்சேதுபதி, இயக்குனர் மணிகண்டன் கூட்டணிக்கு எப்போதும் நல்ல வரவேற்பு உண்டு. இவர்கள் இணைந்து உருவாக்கிய ஆண்டவன் கட்டளை, கடைசி விவசாயி படங்களுக்கு ஏகப்பட்ட விருதுகளும், பாராட்டுகளும் கிடைத்தன. இந்நிலையில், விஜய்சேதுபதியை வைத்து மணிகண்டன் இயக்கியுள்ள வெப் சீரிஸான ‛முத்து என்கிற காட்டான்' மார்ச் 27ம் தேதி ஜியோ ஹாட்ஸ்டார் ஓடிடியில் ரிலீஸ் ஆகிறது. முன்னதாக நேற்று இதன் டீசர் வெளியாகி உள்ளது. அதுவும் வரவேற்பை பெற்றுள்ளது.
அதில் காட்டான் என்ற கேரக்டரில் நடிக்கும் விஜய்சேதுபதி உடல் இல்லாமல் தலையுடன் திரிவதாக காட்சிகள் இடம் பெற்றுள்ளன. அது வித்தியாசமாக இருக்கிறது. நீங்க காட்டானை தேடலை, காட்டான்தான் உங்களை தேடுறாரு என்ற வசனத்துடன் டீசர் முடிகிறது. மதுரை பின்னணியில் இந்த கதை நடக்கிறது என்றும் கூறப்படுகிறது. இந்த வெப்சீரியசை மணிகண்டனே தயாரித்து இருக்கிறார்.இந்தி நடிகர் மிலிந்த்சோமன் முக்கியமான கேரக்டரில் நடித்து இருக்கிறார். மணிகண்டனின் முந்தைய படைப்புகளில் ஆக் ஷன் கிடையாது. இது ஆக் ஷன் கலந்த கதை என்று கூறப்படுகிறது