ரோஸ்லின் வெப் சீரிஸுக்காக எடையை குறைத்த மீனா

நடிகை மீனா சமீப வருடங்களாக குறைவான படங்களில் மட்டுமே நடித்து வருகிறார். அந்த வகையில் மலையாளத்தில் இரண்டு பாகங்களாக வெளிவந்து வெற்றி பெற்ற திரிஷ்யம் படத்தின் மூன்றாம் பாகத்தில் தற்போது நடித்து முடித்துள்ளார். அந்த சமயத்தில் தான் அவருக்கு ரோஸ்லின் வெப் சீரீஸில் நடிக்க வாய்ப்பு தேடி வந்தது. நேற்று முதல் இந்த வெப் சீரிஸ் ஜியோ ஹாட்ஸ்டாரில் வெளியாகியுள்ளது, மீனாவுடன் நடிகர் வினீத் இணைந்து நடித்துள்ளார்.

இந்த வெப் சீரிஸை சுரேஷ் நந்தகுமார் என்பவர் இயக்கியுள்ளார். இவர் இயக்குனர் ஜித்து ஜோசப்பிடம் உதவியாளராக பணியாற்றியவர். இந்த ரோஸ்லின் வெப் சீரிஸில் இரண்டு குழந்தைகளுக்கு அம்மா கதாபாத்திரத்தில் மீனாவை நடிக்க வைத்தால் நன்றாக இருக்கும் என அவர் நினைத்தார். ஜீத்து ஜோசப்பின் மனைவி மூலமாக மீனாவிடம் பேசி இந்த கதையை கேட்குமாறு சொல்ல, மீனாவிற்கும் இந்த கதை பிடித்து விட்டது. இந்த கதாபாத்திரத்திற்காக தனது உடல் எடையையும் கணிசமாக குறைத்து நடித்தார் மீனா என்று இயக்குனர் உமேஷ் நந்தகுமார் கூறியுள்ளார்.