கேரள அரசு பஸ் புரமோஷனுக்காக 100வது படத்திற்கு முன்பே மோகன்லாலை இயக்கிய பிரியதர்ஷன்

மலையாள திரையுலகில் மோகன்லால், இயக்குனர் பிரியதர்ஷன் கூட்டணி அதிக படங்களில் இணைந்து பணியாற்றிய சாதனையை செய்தவர்கள் என்கிற பெருமையை தக்க வைத்துள்ளனர். கிட்டத்தட்ட 33 படங்களில் இவர்கள் இணைந்து பணியாற்றியுள்ளனர். விரைவில் தனது நூறாவது படத்தை இயக்க இருக்கிறார் பிரியதர்ஷன். அந்த படத்தில் மோகன்லால் தான் கதாநாயகனாக நடிக்கிறார்.

இந்த நிலையில் அதற்கு முன்பாகவே கேரள அரசு போக்குவரத்து புரமோஷனுக்காக விளம்பர படம் ஒன்றை மோகன்லாலை வைத்து இயக்கியுள்ளார் பிரியதர்ஷன். தன்னுடைய சினிமா பயணத்துக்கான தேடலும் துவக்கமும் கேரள அரசு பேருந்து பயணத்தின் மூலம்தான் கிடைத்தது என்றும் அரசு பேருந்து பயணங்களை மேற்கொள்ளுங்கள் என்றும் அந்த விளம்பர படத்தில் மோகன்லால் பயணிகளை ஊக்குவிக்கும் விதமாக பேசியுள்ளார்.