சிம்பு படத்தில் மிருணாள் தாக்கூர் சந்தானம்

இப்போது தாணு தயாரிப்பில் வெற்றிமாறன் இயக்கும் 'அரசன்' படத்தில் நடித்து வருகிறார் சிம்பு. கோவில்பட்டி பகுதியில் முதற்கட்ட படப்பிடிப்பு நடந்துள்ளது. இந்நிலையில் 'ஓ மை கடவுளே, டிராகன்' படங்களை இயக்கிய அஸ்வத் மாரிமுத்து இயக்கும் படத்தில் சிம்பு நடிக்கப் போகிறார். ஏஜிஎஸ் நிறுவனம் அந்த படத்தை தயாரிக்க உள்ளது. அதில் ஹீரோயினாக மிருணாள் தாக்கூர், இசையமைப்பாளராக அனிருத் ஒப்பந்தமாக உள்ளதாக கூறப்படுகிறது. அதே போல் காமெடியனாக நடிக்க சந்தானத்திடமும் பேச்சுவார்த்தை நடக்கிறது.

'பார்க்கிங்' பாலகிருஷ்ணன் இயக்கத்தில் சிம்பு நடிக்கவிருந்த படத்தில் சந்தானம் கமிட் ஆகி இருந்தார், அந்த படம் டிராப்பாக இந்த படத்தில் அவரை கொண்டு வர முயற்சிகள் நடக்கிறது. தனுசுடன் கிசுகிசுக்கப்பட்டவர் மிருணாள் தாக்கூர். தனுஷின் அடுத்த படத்தில் அவர் ஹீரோயினாக நடிப்பார் என்னை எதிர்பார்க்கப்பட்ட நிலையில் சிம்புக்கு ஜோடியாகிறார். அரசன் படப்பிடிப்பை முடித்துவிட்டு அஸ்வத் இயக்கும் படத்துக்கு செல்ல இருக்கிறார் சிம்பு.