துரந்தர் 2 டிரைலர் : 5 மொழிகளில் 65 மில்லியன் பார்வைகள்
ஆதித்யா தர் இயக்கத்தில், ரன்வீர் சிங், அர்ஜுன் ராம்பால், சஞ்சய் தத், மாதவன், சாரா அர்ஜுன் மற்றும் பலர் நடிப்பில் மார்ச் 19ம் தேதி வெளியாக உள்ள ஹிந்திப் படம் 'துரந்தர் 2'. இப்படத்தின் முதல் பாகம் கடந்த வருடம் டிசம்பர் மாதம் வெளியாகி சுமார் 1400 கோடி வசூலித்து சாதனை படைத்தது.
அதன் இரண்டாம் பாகமான 'துரந்தர் 2' மார்ச் 19ம் தேதி வெளியாக உள்ள நிலையில் அதன் டிரைலர் இரண்டு தினங்களுக்கு முன்பு மார்ச் 7ம் தேதி ஹிந்தி, தமிழ், தெலுங்கு, கன்னடம், மலையாளம் ஆகிய மொழிகளில் வெளியானது.
ஹிந்தி டிரைலர் தற்போது 49 மில்லியன் பார்வைகளையும், தெலுங்கு டிரைலர் 5 மில்லியன், தமிழ் டிரைலர் 4 மில்லியன், கன்னடம் மற்றும் மலையாள டிரைலர்கள் தலா 3 மில்லியன் பார்வைகளையும் கடந்து, மொத்தமாக 65 மில்லியன் பார்வைகளைத் தற்போது வரை பெற்றுள்ளன.
நவம்பர் மாதம் வெளியான 'துரந்தர்' படத்தின் முதல் பாக டிரைலர் 94 மில்லியன் பார்வைகளைப் பெற்றது. அப்போது ஹிந்தியில் மட்டுமே அப்படம் வெளியானது. அந்த சாதனையை இரண்டாம் பாக டிரைலர் முறியடிக்கும் என்று எதிர்பார்க்கப்படுகிறது.