'மாத்ருபூமி' ஆக மாறிய 'பேட்டில் ஆப் கல்வான்'

அபூர்வ லக்கியா இயக்கத்தில் சல்மான்கான் தயாரிப்பு, நடிப்பில் உருவாகி வந்த படம் 'பேட்டில் ஆப் கல்வான்'. இந்தப் படத்தின் பெயரை தற்போது 'மாத்ருபூமி' எனப் பெயர் மாற்றி புதிய போஸ்டரையும் வெளியிட்டுள்ளார்கள்.

இப்படத்தின் டீசர் மற்றும் இரண்டு பாடல்கள் சமீபத்தில் வெளியிடப்பட்டன. அவை வெளியான பின்பு படத்தின் பெயர் மாற்றத்தை அறிவித்துள்ளது ஆச்சரியத்தை எற்படுத்தியுள்ளது.

2020ம் வருடம் இந்திய - சீனா பார்டரில் உள்ள கல்வான் பள்ளத்தாக்கு பகுதியில் இந்தியா, சீனா வீரர்களுக்கிடையே நடைபெற்ற மோதலை மையமாக வைத்து இப்படம் உருவாகிறது. இப்படத்தை வெளியீட்டிற்கு முன்பாக தங்களுக்குத் திரையிட்டுக் காட்ட வேண்டும் என பாதுகாப்புத் துறை அமைச்சகம் தெரிவித்திருந்தது.

படத்தின் தலைப்பை மாற்றியுள்ளதால் இப்படத்திற்கு தணிக்கைக்கு முன்பாக இருந்த சில சிக்கல்களும் தீர்க்கப்பட்டுள்ளதாக பாலிவுட் வட்டாரங்கள் தெரிவிக்கின்றன. இப்படம் ஏப்ரல் 17ம் தேதி வெளியாக உள்ளதாக ஏற்கெனவே அறிவிக்கப்பட்டு பின் தள்ளி வைக்கப்பட்டுள்ளது. படத்தின் வெளியீட்டுத் தேதியி இன்னும் அதிகாரப்பூர்வமாக அறிவிக்கவில்லை.