கன்னட படத்தை தமிழில் ரீமேக் செய்கிறாரா சிவகார்த்திகேயன்?
ADDED : 4 hours ago
நடிகர் சிவகார்த்திகேயன் ஒரு பக்கம் படங்களில் நடித்துக் கொண்டே, இன்னொரு பக்கம் தனது தயாரிப்பு நிறுவனத்தின் மூலமாக புதுப்புது இயக்குனர்களை அறிமுகப்படுத்தி மீடியம் பட்ஜெட்டில் வெற்றி படங்களாக தயாரித்து வருகிறார். அந்த வகையில் சமீபத்தில் இயக்குனர் சிவகுமார் முருகேசன் இயக்கத்தில் சிவகார்த்திகேயன் தயாரித்த தாய் கிழவி திரைப்படம் மிகப்பெரிய வெற்றியை பெற்று 100 கோடி என்கிற வசூல் இலக்கையும் நோக்கி நகர்ந்து கொண்டிருக்கிறது.
சிவகார்த்திகேயன் தயாரிப்பில் உருவாகும் அடுத்த படத்தை இயக்குனர் அம்மமுத்து சூர்யா என்பவர் இயக்க உள்ளதாக ஏற்கனவே ஒரு தகவல் வெளியாகி உள்ளது. இந்த நிலையில் 2023ல் கன்னடத்தில் வெளியாகி வெற்றி பெற்ற ‛ஹாஸ்டல் ஹுடுகாரு பேககிடாரே' என்கிற படத்தை தான் தமிழில் ரீமேக் செய்ய இருக்கிறார் என்று ஒரு தகவல் வெளியாகி உள்ளது.. அது மட்டுமல்ல இந்த படத்தின் ஒரிஜினலில் ரிஷப் ஷெட்டி நடித்த ஒரு கேமியோ கதாபாத்திரத்தை இங்கே தமிழில் சிவகார்த்திகேயன் நடிக்க இருக்கிறார் என்றும் சொல்லப்படுகிறது.