துரந்தர் 2 சக்சஸ் பார்ட்டியில் ரன்வீர் சிங்கை செல்லமாக அறைந்த நடிகை

கடந்த டிசம்பர் மாதம் ஹிந்தியில் ரன்வீர் சிங் நடிப்பில் வெளியான துரந்தர் திரைப்படம் மிகப்பெரிய வெற்றியை பெற்றது. இந்த படத்தை ஆதித்யா தர் என்பவர் இயக்கி இருந்தார். இந்த நிலையில் இதன் இரண்டாம் பாகம் தற்போது வெளியாகியுள்ளது.. இந்த படத்தின் முதல் பாகத்தில் நடித்திருந்த ஒரு சில முக்கிய நட்சத்திரங்களும் இரண்டாம் பாகத்தில் இடம் பெற்றுள்ளனர். அதில் அக் ஷய் கன்னாவுக்கு ஜோடியாக நடித்த சவுமியா டாண்டனும் ஒருவர். தற்போது துரந்தர் 2 திரைப்படமும் மிகப்பெரிய வெற்றியைப் பெற்றுள்ளது.

இதை தொடர்ந்து நேற்று இந்த படத்தின் வெற்றியை படக்குழுவினருடன் இணைந்து பார்ட்டி வைத்து கொண்டாடினார் ரன்வீர் சிங். இந்த கொண்டாட்டத்தின்போது நடிகை சவுமியா டாண்டன், ரன்வீர் சிங்கின் கன்னத்தில் செல்லமாக அறையும் வீடியோ ஒன்று தற்போது சோசியல் மீடியாவில் வெளியாகி உள்ளது. இந்த இரண்டாம் பாகத்தில் சவுமியா டாண்டனின் கதாபாத்திரம் ரன்வீர் சிங்கை அறைவது போலத்தான் அறிமுகமாகிறது என்பதால் அதேபோல இந்த சக்சஸ் பார்ட்டியில் ஜாலியாக செய்து காட்டி இருக்கிறார் சவுமியா டாண்டன்.