வட அமெரிக்காவில் கல்கி 2898 ஏடி படத்தின் வசூல் சாதனையை முறியடித்த துரந்தர் 2

ஆதித்யா தர் இயக்கத்தில் ரன்வீர் சிங் நடித்து கடந்த மார்ச் 19ம் தேதி வெளியான துரந்தர் 2 படம் இந்தியாவில் மட்டுமின்றி வெளிநாடுகளிலும் வசூல் சாதனை செய்து வருகிறது. குறிப்பாக வட அமெரிக்காவில் இந்த படம் மிகப்பெரிய அளவில் சாதனை செய்து வருகிறது. அங்கு துரந்தர் 2 படம் 20 மில்லியன் யுஎஸ் டாலர் மைல்கல்லை நோக்கி நகர்ந்து கொண்டிருக்கிறது. இந்த படம் வெளியான முதல் வாரத்தில் அதிக வசூல் செய்த இந்திய படம் என்ற பெருமையை பெற்றுள்ளது. இரண்டாவது வெள்ளிக்கிழமை அன்று கிட்டத்தட்ட ஒரு மில்லியன் வசூலித்த துரந்தர் 2 ஒன்பது நாட்களில் மொத்தம் 19 மில்லியன் வசூலை பெற்றிருக்கிறது. இதன் மூலம் வட அமெரிக்காவில் பிரபாஸ் நடித்த கல்கி 2898 ஏடி படத்தின் வாழ்நாள் வசூல் சாதனையை இந்த படம் முறியடித்து இருக்கிறது. இந்த வார இறுதிக்குள் வட அமெரிக்காவில் இதுவரை வெளியான இந்திய படங்களில் அதிக வசூல் செய்த படம் என்ற சாதனையை இந்த படம் படைக்க உள்ளது.