'டகாய்ட்' படத்தில் ஜோனிடா காந்தி நடனம் : அதிர்ச்சியில் ரசிகர்கள்

ஷனீல் டியோ இயக்கத்தில், பீம்ஸ் செசிரோலியோ இசையமைப்பில், அட்வி சேஷ், மிருணாள் தாகூர், அனுராக் காஷ்யப், பிரகாஷ் ராஜ் மற்றும் பலர் நடிக்கும் தெலுங்குப் படம் 'டகாய்ட்'.

இப்படத்தின் இரண்டாவது சிங்கிள் பாடலான 'டச் பட்டி' பாடல் நேற்று வெளியானது. அப்பாடலை போஜ்புரி நடிகர், பாடகர் பவன் சிங், பாடகி ஜோனிடா காந்தி ஆகியோர் பாடியுள்ளார்கள். அதோடு அவர்களும் இந்தப் பாடலில் நாயகன் அட்வி சேஷ் உடன் நடித்துள்ளார்கள்.

பாடலின் முக்கிய அம்சமே ஜோனிடா காந்தியின் நடனம்தான். அவரது கிளாமரான உடையும், அசத்தலான நடனமும் ரசிகர்களை ஆச்சரியப்படுத்தி உள்ளதோடு, அதிர்ச்சியடையவும் வைத்துள்ளது.

தனி பாடல்களில் நடனமாடும் சில நடிகையர் போலவே ஜோனிடாவும் நடித்துள்ளார் என்பதுதான் அந்த அதிர்ச்சிக்குக் காரணம்.

தமிழில், சில சூப்பர் ஹிட் பாடல்களைப் பாடியவர் ஜோனிடா காந்தி. ஹிந்தி, தெலுங்கு, கன்னடம், மலையாளம், பெங்காலி, குஜராத்தி, மராத்தி, பஞ்சாபி ஆகிய மொழிகளிலும் பாடியவர். தமிழில் இளம் முன்னணி இசையமைப்பாளர் ஒருவருடன் காதல் கிசுகிசுவில் சிக்கியவர்.