லீடர் இப்படி இருந்தால் வீடும், நாடும் நன்றாக இருக்கும் : ஐஸ்வர்யா

லெஜண்ட் சரவணன் நடிக்கும் லீடர் படம் ஏப்ரல் 10ல் ரிலீஸ் ஆகிறது. இந்த படத்தின் முக்கியமான ரோலில் நடித்துள்ளார் நடிகை லட்சுமி மகளும், பல படங்களில் ஹீரோயினாக நடித்தவருமான ஐஸ்வர்யா. அவர் கூறுகையில் ''இந்த படத்தின் ஹீரோ சரவணன் ரொம்ப நல்ல மனுசன். அதை நானே நேரில் பார்த்து இருக்கிறேன். அவர் சிறந்த தயாரிப்பாளரும் கூட. இந்த படத்துக்காக ஜெய்ப்பூர் போய் இருந்தேன். நல்ல சாப்பாடு, நல்ல சுற்றுலா, என்னை ராணி மாதிரி பார்த்துக் கொண்டார்கள். என்னை மாதிரி நடிகைகளை தங்கம் மாதிரி பார்த்துகிட்ட ஹீரோவுக்கு நன்றி. இப்படிப்பட்ட லீடர் இருந்தால் வீடும், நாடும் நன்றாக இருக்கும், ஜிப்ரான் இசை அருமை.

எனக்கு படங்கள் இல்லாத நிலையில் இந்த பட வாய்ப்பு கிடைத்தது. இந்த பட இயக்குனர் துரை செந்தில்குமாரின் பட்டாஸ் ரொம்ப பிடிக்கும். அதில் அடிமுறை என்ற தற்காப்பு கலையை பற்றி பேசியிருப்பார். இந்த படத்தின் ஹீரோயினாக நடித்த பாயல் ராஜ்புத்துக்கு நன்றி. அவர் அம்மாவாகதான் இந்த படத்தில் நடித்து இருக்கிறேன் என்றார்.

அறந்தாங்கி நிஷா பேசுகையில் ''இந்த படத்தில் நான் மட்டுமல்ல, என் கணவரும் நடித்து இருக்கிறார். வீட்டில் இருப்பது மாதிரி படப்பிடிப்பிலும் அமைதியாக இருந்தார். கடந்த 15 ஆண்டுகளாக அவர் வீட்டிலும் இப்படிதான் ரியாக்சன் இல்லாமல் இருக்கிறார்' என்றார்.