முதல்வர் விஜய் - ரஜினி சந்திப்பு நடக்குமா? நண்பரை நேரில் வாழ்த்துவாரா அஜித்

தவெக தலைவர், நடிகர் விஜய் தமிழக முதல்வர் ஆகிவிட்டார். இவர் கட்சி தொடங்கியதில் இருந்து ரஜினிக்கும், அவருக்கும் நட்பு சரியாக இல்லை. திமுக ஆதரவாளராகவே ரஜினி இருந்தார் என்று கூறப்பட்டது. ரஜினி அரசியலில் இருந்து விலகியது குறித்து ஆதவ் அர்ஜூனா அளித்த பேட்டிக்கு காலம் பதில் சொல்லும் என கொஞ்சம் பதில் அளித்தார் ரஜினிகாந்த். அதேசமயம், தவெக வெற்றி பெற்றவுடன் ரஜினி வாழ்த்து சொல்லவும் தவறவில்லை. அப்படியே, முன்னாள் முதல்வர் ஸ்டாலினை சந்தித்தும் பேசினார்.

இந்நிலையில், முதல்வர் விஜய், ரஜினிகாந்த் சந்திப்பு நடக்குமா?, முதல்வரை நேரில் வாழ்த்துவாரா ரஜினிகாந்த்? பொதுவாக ஆளுங்கட்சிக்கு ஆதரவான மனநிலையில் இருக்கும் ரஜினிகாந்த் இந்த மனஸ்தாபத்துக்கு முற்றுப்புள்ளி வைப்பாரா என கேள்வி எழுந்துள்ளது. எந்த கட்சி ஆட்சிக்கு வந்தாலும் அஜித் அது பற்றி கவலைப்படவில்லை.

கடந்த ஆட்சியில் அவர் முதல்வர் ஸ்டாலினை சந்தித்து வாழ்த்து சொல்லவில்லை. இந்த ஆட்சியின் நிலை வேறு. அவரும், விஜயும் நல்ல நட்பில் இருக்கிறார்கள். தேர்தலில் வெற்றி பெற்ற விஜய்க்கு அவர் போனில் வாழ்த்தியதாக கூறப்பட்டது. ஆனால் அதிகாரப்பூர்வ தகவல் இல்லை. இப்படிப்பட்ட சூழ்நிலையில் நட்பின் அடிப்படையில் தமிழக முதல்வர் விஜயை நேரில் சந்தித்து அஜித் வாழ்த்துவாரா? பழைய நிலைப்பாட்டில் இருப்பாரா என்பதும் கேள்வியாக எழுந்துள்ளது.

இதற்கிடையில், சினிமா சங்கங்கள், சினிமாக்காரர்கள் என நுாற்றுக்கும் அதிகமானவர்கள் முதல்வரை நேரில் சந்தித்து வாழ்த்த நேரம் கேட்டு இருக்கிறார்களாம்.