'பெத்தி' படம் தெலுங்கு மார்க்கெட்டை பிடித்து தரும்: ஜான்வி கபூர் நம்பிக்கை

ஹிந்தி படங்களில் நடித்து வந்த ஜான்வி கபூர், ஜூனியர் என்டிஆர் நடித்த 'தேவரா' படத்தின் மூலம் தெலுங்கு சினிமாவுக்கு வந்தார். அந்த படம் வெற்றி பெற்ற நிலையில் அதையடுத்து தற்போது புஜ்ஜி பாபு சனா இயக்கத்தில் ராம்சரண் நடித்து வரும் 'பெத்தி' படத்தில் அவருக்கு ஜோடியாக நடித்துள்ளார். கிராமப்புற விளையாட்டு கதையில் உருவாகி இருக்கும் இந்த படம் வருகிற ஜூன் நான்காம் தேதி திரைக்கு வருகிறது.

இந்த நிலையில் 'பெத்தி' படத்தில் தான் நடித்துள்ள கதாபாத்திரம் குறிக்கும் ஜான்வி கபூர் வெளியிட்டுள்ள ஒரு செய்தியில், 'இந்த படத்தில் கிராமத்து பெண்ணாக ஒரு துள்ளலான வேடத்தில் நடித்திருக்கிறேன். கதைப்படி இந்த படத்தில் எம்எல்ஏவாக நடித்திருக்கும் ராவ் ரமேஷ் என்பவரின் மகளாக அச்சியம்மா என்ற வேடத்தில் நடித்துள்ளேன். ராம் சரணுடனான ரொமான்டிக் காட்சிகளில் மிகச் சிறப்பாக நடிப்பதற்கான வாய்ப்புகள் இப்படத்தில் கிடைத்திருக்கிறது. அதனால் இந்த படம் தெலுங்கு சினிமாவில் எனக்கு ஒரு நிலையான மார்க்கெட்டை பிடித்து தரும் என்று எதிர்பார்க்கிறேன்' எனக் கூறியிருக்கிறார் ஜான்வி கபூர். ஏ.ஆர்.ரஹ்மான் இசையமைத்திருக்கும் இந்த படத்தில் சிவராஜ்குமார், ஜெகபதிபாபு ஆகியோரும் முக்கிய வேடங்களில் நடித்துள்ளார்கள்.