பிளாஷ்பேக் : பாலிவுட்டில் நடித்த பிரசாந்த்

ஹிந்தி படங்களின் ரீமேக்கில் பிரசாந்த் தற்போது நடித்து வருகிறார். ஆனால் அவர் நேரடியாக சில பாலிவுட் படங்களிலும் நடித்துள்ளார். 1990ல் பிரசாந்த் அறிமுகமான படம் 'வைகாசி பொறந்தாச்சு'. இந்த படத்தை ராதா பாரதி இயக்கினார், காவேரி நாயகியாக அறிமுகமானார். இந்த படம் பெரும் வெற்றி பெற்று பல மொழிகளில் ரீமேக் ஆனது. இந்த படம் ஹிந்தியில் 'ஐ லவ் யூ' என்ற பெயரில் ரீமேக் ஆனது. வர பிரசாத் இயக்கினார். இதிலும் பிரசாந்த் நாயகனாக நடித்தார், அவருக்கு ஜோடியாக சபா நடித்தார்.

இதற்கு பிறகு 1992ம் ஆண்டு 'அனோகா பிரேம்யூத்' என்ற படத்தில் நடித்தார். இந்த படத்தை சத்யகோபால் பட்நாகர் இயக்கினார். பிரசாந்த் ஜோடியாக மம்தா குல்கர்னி நடித்தார். இந்த படம் 'பிரேம சிகரம்' என்ற பெயரில் தெலுங்கிலும், 'ரோஜாக்கள் உனக்காக' என்ற பெயரில் தமிழிலும் வெளியிடப்பட்டது. இந்த படம் பெரிய வரவேற்பை பெறவில்லை.