அதிர்ச்சி கொடுத்த அக்ஷய் குமாரின் ஹைவான்

ஹிந்தியில் பிரியதர்ஷன் இயக்கத்தில் நேற்று திரைக்கு வந்துள்ள படம் ஹைவான். குற்றப்பின்னணி கொண்ட திரில்லர் கதையில் உருவாகியுள்ள இப்படத்தில் அக்ஷய் குமார் நாயகனாக நடித்துள்ளார். சைப் அலிகானும் ஒரு முக்கியமான கதாபாத்திரத்தில் நடித்துள்ளார். முன்னதாக, அக்ஷய் குமாரின் மார்க்கெட்டை கருத்தில் கொண்டு இப்படம் முதல் நாளில் ரூ. 7 கோடி முதல் ரூ. 8 கோடி வரை வசூலிக்கும் என்று கணித்திருந்தனர். ஆனால், இப்படம் முதல் நாளில் வெறும் ரூ. 3 கோடி மட்டுமே வசூலித்துள்ளது. ஒரு முன்னணி நடிகருக்கு இது மோசமான தொடக்கம் என்பதில் சந்தேகமில்லை.

இந்த அளவிற்கு ஹைவான் படம் நிராகரிக்கப்பட்டதற்கு முதன்மையான காரணம், இது ஒரு ரீமேக் படம் ஆகும். 10 ஆண்டுகளுக்கு முன்பு மலையாளத்தில் வெளியாகி வெற்றி பெற்ற ஒப்பம் என்ற படத்தின் அதிகாரப்பூர்வ ரீமேக்தான் இந்த ஹைவான். மேலும், அக்ஷய் குமாருக்கு இந்த ஆண்டின் தொடக்கம் நன்றாகவே அமைந்தது. பூத் பங்களா படம் சூப்பர் ஹிட்டாக அமைந்ததுடன், வெல்கம் டு தி ஜங்கிள் படமும் நல்ல வசூலை கொடுத்தது. ஆனால், ஹைவான் படத்தின் மூலம் அவருக்கு ஒரு சரிவு ஏற்பட்டுள்ளது.