வாசகர்கள் கருத்துகள் (1)
பாலிவுட் நடிகர்கள் அதிகமாக சம்பாதிப்பதற்கான முக்கிய காரணங்களில் ஒன்று, அவர்கள் சினிமாவில் நடிப்பதோடு மட்டும் நின்றுவிடாமல் பல்வேறு வழிகளில் வருமானம் ஈட்டுவதுதான்.விளம்பரப் படங்கள், டிவி நிகழ்ச்சிகள், ரியாலிட்டி ஷோக்கள், விருது விழாக்கள், தனியார் நிகழ்ச்சிகள், பெரிய நிறுவனங்களின் நிகழ்ச்சிகள் என பலவற்றில் அவர்கள் கலந்து கொள்கிறார்கள். சில நிகழ்ச்சிகளில் தொகுப்பாளர்களாகவும், சிலவற்றில் நடன நிகழ்ச்சிகளிலும் பங்கேற்கிறார்கள். பெரிய தொழிலதிபர்களின் தனிப்பட்ட விழாக்களில்கூட அவர்கள் கலந்து கொள்வது வழக்கமாக இருக்கிறது.ஆனால் தமிழ் சினிமாவில் பெரும்பாலான முன்னணி நடிகர்கள் சினிமாவில் நடிப்பதன் மூலமே பிரதானமாக வருமானம் ஈட்டுகிறார்கள். விளம்பரங்கள், டிவி நிகழ்ச்சிகள், தனியார் நிகழ்ச்சிகள் போன்ற கூடுதல் வாய்ப்புகளில் பாலிவுட் நடிகர்களைப் போல அதிகமாக ஈடுபடுவதில்லை.இதுதான் இரு திரையுலகங்களுக்கும் இடையிலான வருமான வித்தியாசத்திற்கான ஒரு முக்கிய காரணமாக இருக்கலாம். ஒருவருடைய வருமானத்தை வெறும் திரைப்பட சம்பளத்தை வைத்து மட்டும் ஒப்பிட முடியாது அவர்கள் திரைப்படத்திற்கு வெளியே எத்தனை வழிகளில் வருமானம் ஈட்டுகிறார்கள் என்பதையும் பார்க்க வேண்டும்.ஷாருக்கான் கூட, பணம் கொடுத்தால் உங்கள் வீட்டு நிகழ்ச்சிக்குக்கூட வருவேன் என்று பல சந்தர்ப்பங்களில் நகைச்சுவையாகக் கூறியிருக்கிறார். இதுபோன்ற தனியார் நிகழ்ச்சிகளும் பாலிவுட் நட்சத்திரங்களின் கூடுதல் வருமானத்தின் ஒரு பகுதியாக இருக்கின்றன.சுருக்கமாகச் சொன்னால், இங்கே பல நடிகர்கள் நடிப்பை மட்டுமே பிரதான வருமானமாக வைத்திருக்கிறார்கள் அங்கே பல நடிகர்கள் நடிப்புடன் சேர்த்து விளம்பரங்கள், டிவி நிகழ்ச்சிகள், தனியார் நிகழ்ச்சிகள் என பல தளங்களில் தங்களுடைய பிரபலத்தை வருமானமாக மாற்றிக் கொள்கிறார்கள். அதனால்தான் அவர்களுடைய மொத்த வருமானத்தில் பெரிய வித்தியாசம் இருப்பது இயல்பானது.