ஓடிடி மார்க்கெட்டில் சாய் பல்லவியை பின்தள்ளிய ராஷ்மிகா

இந்திய சினிமாவில் மிகவும் பிரபலமான நடிகைகளில் சாய் பல்லவியும் ஒருவர். இந்த ஆண்டின் தொடக்கத்தில் பாலிவுட்டில் அறிமுகமான அவர், அடுத்து பெரிதும் எதிர்பார்க்கப்படும் ராமாயணா படத்தில் சீதா தேவியாக நடித்துள்ளார். தெலுங்கு மற்றும் தமிழ் சினிமாவில் வலுவான ரசிகர் பட்டாளத்தைக் கொண்டுள்ள அவர், ஒவ்வொரு படத்திற்கும் தனக்கான தனிப்பட்ட நட்சத்திர மதிப்பை சேர்க்கக்கூடிய ஒரு சில நடிகைகளில் ஒருவராகத் திகழ்கிறார்.

இருப்பினும், ஓடிடியைப் பொறுத்தவரையில், சாய் பல்லவிக்கும், ரஷ்மிகா மந்தனா போன்ற பிற முன்னணி நடிகைகளுக்கும் இடையே பெரிய இடைவெளி இருப்பதாகக் கூறப்படுகிறது. திரைத்துறை வட்டாரங்களின் தகவல்படி, சாய் பல்லவி முதன்மை பாத்திரத்தில் நடிக்கும் படங்களை விட, ராஷ்மிகா கதாநாயகியாக முதன்மை பாத்திரத்தில் நடிக்கும் படங்களுக்கே அதிக தொகை கொடுக்க ஓடிடி தளங்கள் தயாராக உள்ளன. பான்-இந்திய அளவில் வெற்றி பெற்ற பல திரைப்படங்களில் ராஷ்மிகா நடித்திருப்பதும், அவரது மிகப்பெரிய சோஷியல் மீடியா ரசிகர் பட்டாளமுமே இந்த ஓடிடி சந்தை மதிப்பு வித்தியாசத்திற்கு முக்கியக் காரணமாகக் கூறப்படுகிறது.

புஷ்பா 2, அனிமல் மற்றும் சாவா போன்ற பான்-இந்திய வெற்றிப் படங்களில் ராஷ்மிகா இடம் பெற்றுள்ளார். இது தென்னிந்தியாவைத் தாண்டி அவரது சந்தை எல்லையை விரிவுபடுத்தியுள்ளது. மேலும், இன்ஸ்டாகிராமில் அவரைப் பின்பற்றும் 5 கோடிக்கும் அதிகமான ரசிகர்கள் பட்டாளமும், ஒரு திரைப்படத்தின் வணிக ரீதியான மதிப்பை ஓடிடி தளங்கள் மதிப்பிடும்போது அவருக்குக் கூடுதல் சாதகமாக அமைகிறது.

அதேவேளையில், சாய் பல்லவி தனது சிறந்த நடிப்பினாலும், கதைகளை கவனமாகத் தேர்ந்தெடுத்து நடிப்பதாலும் தனக்கென ஒரு வலுவான இடத்தை உருவாக்கியுள்ளார்.

சமீபத்திய தகவல்களின்படி, இசைக்கலைஞர் எம்.எஸ். சுப்புலட்சுமியின் சுயசரிதை படத்தில் ராஷ்மிகா மந்தனா நடிக்கவுள்ளதாக அறிவிக்கப்பட்டதை அடுத்து, ஒரு பிரபல ஓடிடி தளம் இப்படத்தின் டிஜிட்டல் உரிமையை ஏற்கனவே கைப்பற்றியுள்ளது. இது ராஷ்மிகாவின் அதிகரித்து வரும் ஓடிடி சந்தை மதிப்பிற்கு மற்றொரு உதாரணமாக பார்க்கப்படுகிறது.