'வாரணாசி' படப்பிடிப்பில் இருந்து ஓய்வு எடுத்த ராஜமவுலி: அமெரிக்காவில் குடும்ப விழாவில் பங்கேற்பு!

முன்னணி தெலுங்கு இயக்குநரான எஸ்.எஸ்.ராஜமவுலி தற்போது அமெரிக்காவில் உள்ளார். 'வாரணாசி' படப்பிடிப்பில் இருந்து சிறிது ஓய்வு எடுத்துக்கொண்டு, தனது குடும்பத்தினருடன் அங்கு நடைபெற்ற ஒரு குடும்ப விழாவில் அவர் கலந்துகொண்டார்.

இயக்குநரின் உறவுக்காரப் பெண்ணான எம்.எம். ஸ்ரீலேகா தனது இன்ஸ்டாகிராம் பக்கத்தில் சில புகைப்படங்களைப் பகிர்ந்துள்ளார். அதில், ராஜமவுலியுடன் அவர் எடுத்துக்கொண்ட செல்பி, மற்றொன்று அவரது குடும்பத்தினரின் புகைப்படமாகும்.

மகேஷ் பாபு முதன்மை வேடத்தில் நடிக்கும் வாரணாசி படப் பணிகளில் ராஜமவுலி மும்முரமாக உள்ளார். இப்படத்தில் பிரியங்கா சோப்ரா மற்றும் பிரித்விராஜ் சுகுமாரன் முக்கிய வேடங்களில் நடிக்கின்றனர். கே.எல். நாராயணா மற்றும் எஸ்.எஸ். கார்த்திகேயா தயாரிக்கும் இப்படத்திற்கு எம்.எம். கீரவாணி இசையமைக்கிறார். இப்படம் 2027 ஏப்ரல் 7ம் தேதி அன்று உலகளவில் வெளியாகவுள்ளது.