கிங் 100 : தபு பிறந்தநாளை முன்னிட்டு வெளியாகும் சிறப்பு அப்டேட்

கிங் 100 படம் நாகார்ஜுனாவின் திரைப்பயணத்தில் ஒரு முக்கிய மைல்கல் படமாகும். இந்த படம் நிச்சயம் மிகப்பெரிய வெற்றிப்படமாக அமைய வேண்டும் என்பதற்காக தயாரிப்பில் அவர் கூடுதல் கவனம் செலுத்தி வருகிறார். ஆர்.ஏ. கார்த்திக் இயக்கும் இந்தப் படம் வருகிற டிசம்பர் 24 அன்று வெளியாகிறது.

தயாரிப்பாளர்கள் தபுவின் சிறப்பு வீடியோவை தசரா பண்டிகையை முன்னிட்டு வெளியிடத் திட்டமிட்டிருந்தனர். ஆனால் அது நடக்கவில்லை. தற்போது, அவரது பிறந்த நாளான நவம்பர் 4-ஆம் தேதி அன்று இந்த அப்டேட்டை வெளியிடத் திட்டமிட்டு வருகின்றனர். இதுகுறித்த அதிகாரப்பூர்வ அறிவிப்பு விரைவில் எதிர்பார்க்கப்படுகிறது.

அன்னபூர்ணா ஸ்டுடியோஸ் நிறுவனம் இந்தப் படத்தை பிரம்மாண்டமான முறையில் தயாரித்து வருகிறது. அசோக் செல்வன் இதில் வில்லன் கதாபாத்திரத்தில் நடிக்க, ஐஸ்வர்யா ராஜேஷ், சுஷ்மிதா பட் மற்றும் பலர் முக்கிய கதாபாத்திரங்களில் நடிக்கின்றனர். தேவி ஸ்ரீ பிரசாத் இசை அமைக்கிறார்.