துல்கர் சல்மான் படத்தை பாராட்டிய ஜி.வி.பிரகாஷ் குமார்!
ADDED : 1 days ago
தெலுங்கில் பவன் சாதிநேனி இயக்கத்தில் உருவாகியுள்ள படம் 'ஆகாசம்லோ ஒகா தாரா'. இப்படத்தின் மூலம் மீண்டும் ரசிகர்களைக் கவரத் தயாராகி வருகிறார் துல்கர் சல்மான். இப்படத்தில், சாத்விகா வீரவல்லி கதாநாயகியாக அறிமுகமாகிறார்.
இந்நிலையில், இப்படத்தை இசையமைப்பாளர் ஜி.வி. பிரகாஷ் குமார் பெரிதும் பாராட்டியுள்ளார். அவர் வெளியிட்டுள்ள பதிவில், ஆகாசம்லோ ஒகா தாரா இந்த ஆண்டின் சிறந்த படம் என்று கூறியுள்ளார். இப்படத்தின் விளம்பர காட்சிகள் ஏற்கனவே ரசிகர்கள் மத்தியில் நல்ல வரவேற்பைப் பெற்றுள்ள நிலையில், ஜி.வி. பிரகாஷ் குமாரின் இந்த அறிக்கை படத்தின் மீதான எதிர்பார்ப்பை மேலும் அதிகரித்துள்ளது.
தன் மனைவி தனது வாழ்வின் லட்சியத்தை அடைவதற்காக ஒரு கணவன் எடுக்கும் இமாலய முயற்சிகளை ஆகாசம்லோ ஒகா தாரா படம் சித்தரிக்கிறது. இந்த படம் வரும் நவம்பர் 20ம் தேதி அன்று பல மொழிகளில் வெளியாகிறது. இந்த படத்தில் ஸ்ருதி ஹாசன் மற்றும் ரூஹானி சர்மா ஆகியோரும் முக்கியக் கதாபாத்திரங்களில் நடித்துள்ளனர்.