சிவகார்த்திகேயனை ஆங்கிலத்தில் பேச வைத்த ரகுல் பிரீத் சிங்

ஹீரோ படத்தை தொடர்ந்து டாக்டர், அயலான் படங்களில் நடிக்கிறார் சிவகார்த்திகேயன். இதில் அயலான் படத்தை ரவிக்குமார் இயக்குகிறார். இந்த படத்தில் சிவகார்த்திகேயனுக்கு ஜோடியாக ரகுல்பிரீத் சிங் நடித்துள்ளார்.

ரகுல்பிரீத் சிங் ஒரு டுவீட் வெளியிட்டுள்ளார். அதில் அயலான் படப்பிடிப்பில் என் பகுதி இன்னும் மூன்று நாட்கள் மட்டுமே மீதம் உள்ளது. சிவகார்த்திகேயன், டைரக்டர் ரவிக்குமாருடன் இணைந்து பணியாற்றியது மகிழ்ச்சி என்று தெரிவித்திருக்கிறார்.

அவரது டுவீட்டிற்கு பதிலளிக்கும் வகையில் சிவகார்த்திகேயன் வெளியிட்டுள்ள பதிவில், ''உங்களுடன் பணியாற்றியதில் மகிழ்ச்சி. என்னை எப்போதும் ஆங்கிலத்தில் பேச வைத்ததற்கு நன்றி. நான் உங்களுடன் பேசியது பிரிட்டீஷ் இங்கிலீஷ் என கருதுகிறேன்'' என்று கிண்டலாக பதிவிட்டுள்ளார்.