ஹாலிவுட் ரீமேக்கில் ரிஷி கபூருக்கு பதிலாக அமிதாப் பச்சன்
ADDED : 1662 days ago
ஹாலிவுட்டில் 2015ல் வெளியாகி வெற்றிபெற்ற படம் 'தி இன்டர்ன்'. ராபர்ட் டி நீரோ நடித்திருந்த இந்தப்படம் இந்தியில் ரீமேக் செய்யப்பட இருப்பதாக கடந்த வருடம் அறிவிப்பு வெளியானது. கதாநாயகி ஆனி ஹாத்வே கதாபாத்திரத்தில் தீபிகா படுகோனேவும் ராபர்ட் டி நீரோ கதாபாத்திரத்தில் ரிஷிகபூரும் நடிப்பதாக ஓப்பந்தம் செய்யப்படிருந்தனர். ஆனால் கடந்த சில மாதங்களுக்கு முன் ரிஷி கபூர் மரணம் அடைந்தார்.
இந்நிலையில் ரிஷி கபூருக்கு பதிலாக அந்த கதாபாத்திரத்தில் அமிதாப் பச்சன் நடிக்க இருக்கிறார் என்கிற தகவல் வெளியாகி உள்ளது. அஷ்யூர் என்டர்டெய்ன்மென் நிறுவனமும் வார்னர் பிரதர்ஸ் நிறுவனமும் இணைந்து இந்தப்படத்தை தயாரிக்க உள்ளன. கொரோனா காலக்கட்டத்திலேயே தயாராகி இருக்க வேண்டிய படம் என்பதால், விரைவில் இந்தப்படத்தின் படப்பிடிப்பை துவங்க திட்டமிட்டுள்ளனராம்.