நயன்தாரா பாணியில் தனி விமானத்தில் பறந்த தமன்னா

தென்னிந்திய சினிமாவில் நடிகை நயன்தாரா மட்டுமே தனி விமானத்தை பயன்படுத்தி வருகிறார். கேராளவில் உள்ள தனது வீட்டுக்கு ஓணம் பண்டிகையை கொண்டாட காதலன் விக்னேஷ் சிவன் உடன் தனி விமானத்தில் சென்றார். சில தினங்களுக்கு முன் மீண்டும் தனி விமானத்தில் கேரளா பறந்துள்ளார்.

இந்த நிலையில் நயன்தாரா பாணியில் தமன்னாவும் தனி விமானத்தில் பறந்தார். ஐதராபத்தில் நடக்கும் தெலுங்கு படத்தின் படப்பிடிப்பில் கலந்து கொள்ள அவர் மும்பையில் இருந்து ஐதராபாத்துக்கு தனி விமானத்தில் அவர் வந்துள்ளார். அவருடன் சிகை அலங்கார நிபுணர், ஒப்பனை கலைஞர் ஆகியோரையும் அதே விமானத்தில் அழைத்து வந்துள்ளார். தமன்னா தனி விமானத்தில் பயணித்த வீடியோ மற்றும் புகைப்படங்களை சமூக வலைத்தளத்தில் பகிர்ந்துள்ளார். அவை வைரலானது.