11 ஆண்டுளுக்கு பின் தெலுங்கில் மம்தா மோகன்தாஸ்

சிவப்பதிகாரம் படத்தில் விஷாலுக்கு ஜோடியாக அறிமுகமானவர் மலையாள நடிகை மம்தா மோகன்தாஸ். தற்போதுவரை, தொடர்ந்து பிசியான கதாநாயகியாகவே வலம் வரும் மம்தா, தற்போது மலையாளத்தில் பிரித்விராஜுடன் இணைந்து அந்தாதுன் ரீமேக்கில் நடித்து வருகிறார். அதேபோல தமிழில் சிவப்பதிகாரம் படத்திற்கு பிறகு, 15 வருடங்கள் கழித்து, தற்போது விஷாலுடன் மீண்டும் எனிமி படத்தில் இணைந்து நடித்து வருகிறார்.

இந்தநிலையில் தெலுங்கிலும் லால்பாக் என்கிற படத்தில் நடித்து வருகிறார் மம்தா மோகன்தாஸ். இதற்கு முன்னதாக நாகார்ஜுனாவுடன் இணைந்து 11 வருடங்களுக்கு முன் தெலுங்கில் 'கேடி' என்கிற படத்தில் நடித்திருந்த மம்தா, நீண்ட இடைவெளிக்கு பின் தெலுங்கில் நுழைந்துள்ளார். இந்தப்படத்தில் நர்ஸ் கதாபாத்திரத்தில் ஒரு பெண் குழந்தைக்கு அம்மாவாக நடிக்கிறார் மம்தா மோகன்தாஸ்.